şandeyeke herêma Kurdistanê ber bi Washingtonê bi rê ket
Çeto Omerî - 23 Jul 2010
Serokê Dîwana Serokatiya Herêma Kurdistanê Fuad Husên ber bi Washingtonê bi rê ket ku dê digel berpirsên Amerîkayê li Koşka Spî, Kongres û wezaretên derve û berevaniyê bicive.
Biryar e li Washingtonê serokê Fermangeha Pêwendiyên Derve yê hikûmeta Herêma Kurdistanê Felah Mistefa û nûnerê hikûmeta Herêmê yê li Amerîkayê Qubad Talebanî hevalbendiya Husên bikin.
Fuad Husên bi mebesta diyarkirina nêrîn û dîtinên Serokê Herêma Kurdistanê û serkirdayetiya siyasiya Kurdistanê li ser pêşhatên dawî yên Iraqê, pêwendiyên navbera Hewlêr û Washingtonê dê di çendîn navendên hizrî yên li Washingtonê de semîneran saz bike.
Herwiha Serokê Dîwana Serokatiya Herêma Kurdistanê dê digel berpirsên Amerîkayê rewşa navçeyê û paşaroja pêwendiyên di navbera Iraq û Amerîkayê gotûbêj bike û çendîn hevdîtinan jî digel medya û kanalên ragihandina wî welatî saz bike.
Ji hevalê xwe re bişîne
li ser kaxiz kopî bike
