DTP ê bi gelek siwareyan berê xwe dan Hatayê, lê belê dewletê nehişt ew têkevin bajêr. Rakêşî berdewam dike...
Dêrikî - 29 Jul 2010
Li ser bûyera Dortyol navçeya hatayê BDP ji gelek bajaran ber bi Dortyolê ve bi rê ketin, ku piştgirîya Kurdên vê derê bikin.
Ji Ankara, ji bajarên derdora Hatay û bajarên Kurdistanê gelek kes bi siwareyên xwe ber bi vî bajarî ve bi rê ketin. Lê belê aniha gelheya DTP î li Erzîn navçeya Hatayê, ku nêzê Dortyolê ye jî hatine rawestandin. Parêzgarê Hatayê Celalettin Lekesiz dibêje “ez nahêlim nigê wan bi Dortyolê bibe” BDP ê jî bersiv da parêzgar û ew jî wiha dibêjin:” Cîhan berevajî bizîvire jî emê herin Dortyolê”
Rakêşîya dinavbêna her du hêla de berdewame. Her wiha parêzgarîya Hatayê polis ji bajarên mîna Adana, Meraş û Entabê xwestîye.
Çend roj berê xelkê Dortyola Hatayê êrîşî kargeh û siwareyên Kurda kiribûn û kargeh û siwareyên wan şewitandibûn.
Ji hevalê xwe re bişîne
li ser kaxiz kopî bike
